Kom tilbake til landet med kenguru, koalabjørn og plussgrader på fredag, og SÅ GLAD for å vere tilbake i nye huset vårt! Som om ein 27 timers flytur ikkje var gale nok, reiste eg vidare etter berre nokre timars stopp i Brisbane, retning NSW og landsbygda. Til tross for ufattelig lite mengder søvn, var fredag veldig veldig bra.
Søndag meldte stormen sin ankomst for fullt, med store mengder regn og kraftig vind. Iløpet av dagen gjekk straumen, og tok med seg både komfyr og vatn, så vi endte opp med å måtte sette ei vannmugge ute i regnet for å få drikkevatn. Mat kunne ha blitt eit problem, men sidan eg denne helga budde i samme hus som ein kokk, og vi hadde ein gassgrill tilgjengelig, vart det nok bedre mat enn eg hadde kunne diska opp med sjølv! Dette gikk bra heilt til vi gjekk tom for gass mandags morgon.
Sidan det er midt på sommaren her no, blir ein nesten nøydd til å dusje iallefall ein gong om dagen. Mandags morgon var eg og Eltanin ganske desperate etter å ikkje hatt vatn på ei stond, så vi gikk ut i pøsregnet for å vaske håret, barbere leggane og ta oss ein svømmetur i det overfylte badebassenget i hagen. Vi lurte på om vi skulle prøve å kjøre tilbake til Brisbane iløpet av søndags morgon, men då brua vi måtte kjøre over plutselig var ein meter under vatn, med eit stort tre liggande på tvers over, hadde vi ikkje så mykje anna val enn å vente.
Dette er frå mandag då vatnet haldt på å gå ned og dei begynte å rydde vekk treet. På det verste kunne du ikkje sjå rekkverka eingong for dei va heilt under vatn!
Etter kvart vart mobilnettet slått ut, og vi var heilt isolerte frå omverden, så vi endte opp med å spele oss gjennom nesten alle brettspela vi hadde tilgjengelig for å få tida til å gå.
Straumen kom ikkje tilbake før tidlig tysdags morgon (etter ca. 36 timar utan), og då var heldigvis brua også mogleg å køyre over. Turen gjekk i retning Brisbane, men vi endte opp med å måtte køyre ein veldig stor omveg for å komme oss inn på motorvegen, sidan nesten alle vegane var stengt. Men åh, så godt det var å komme heim til slutt!
